General Information Technology (GIT)

 GIT විභාගය ගැන

අ.පො.ස.(උසස් පෙළ) විෂය මාලාවේ ප්‍රදාන විෂයයන් 3ට අමතරව General English සහ General Information Technology (GIT) යන විෂයන් දෙක හඳුන්වා දී ඇත. තොරතුරු හා සන්නිවේදන තාක්ෂණ යුගයට අයත් නූතන සමාජය තුළ ජීවත් වීමට සහ රටේ සංවර්ධනය උදෙසා අත්‍යාවශ්‍ය තොරතුරු තාක්ෂණ සාක්ෂරතාව (ICT literacy) ලබා දිමට 2006 වසරේ දී මෙම විෂය දෙක හඳුන්වා දෙන ලදී.

එක් අවුරුදු පාඨමාලාවක් ලෙස 12 ශ්‍රෙණියේදී පමණක් හැදෑරීමට අවස්ථාව ලබා දෙන මෙම විෂයට අදාළ විභාගය සිසුවා 12 ශ්‍රේණියේ සිටින කාලය තුළ වෙනම පැවැත්වේ. එක වරක් පමණක් සහභාගී වීමට අවස්ථාව ලබා දේ.  2009 සිට අනිවාර්ය විෂයක් බවට පත් කෙරුණ අතර 2017 දක්වා ලිඛිත පරීක්ෂනයක් මගින් දැනුම පරීක්ෂාවට ලක්විය. 2018 දී ඉතා සාර්ථකව ලංකාවේ ප්‍රථම මාර්ගගත පරීක්ෂණය (ලොව විශාලම පිරිසක් සහභාගි වී ඇති Online Test එක ලෙස මෙය සළකයි.) තුළින් සත්‍ය වශයෙන්ම දැනුම හා කුසලතාව ඇගයීමට ලක්විය. 2019 වසරේ දී රටේ ඇති වු අර්බුදකාරී තත්ත්වය තුළ 2020 මාර්තු මාසයේ පැවැත්වීමට සංවිධානය කර තිබූ දෙවන මාර්ගත පරීක්ෂණය අවළංගු විය. ඒ අනුව මේ දක්වා උසස් පෙළ විභාගයට පෙනී සිටි සිසුන්ට මෙම විභාගය මග හැරුණි.      

සාමාන්‍ය පෙළ ICT විෂය නිර්දේශයටත් වඩා අඩු දැණුම් පරාසයකින් යුතු මෙම විෂය නිර්දේශය පහසුවෙන් ඉගන ගෙන GIT ප්‍රශ්න පත්‍රයට පහසුවෙන් පිළිතුරු ලිවිය හැකියි. ඒ සඳහා මේ කෙටි කාලය තුළ ඔබට තරමක් මහන්සි වී විභාගය තෙක් මගේ මාර්ගග පංති වලට අඛණ්ඩව සහභාගි විය හැකිනම් GIT වලට A සාමාර්ත සහිතව සමත්වීම අපහසු නොවේ.

 GIT සහතිකයේ වැදගත් කම

• විභාග දෙපාර්ථමේන්තුවේ සහතිකයක් ජීවිත කාලයටම වටිනා බැවින් රජයෙන් නොමිලේ ලබාගත හැකි පරිගණක සහතිකයක් වීම.
• උසස් පෙළට ICT නොකලත් GIT සහතිකය තුළින්  ඔබට තොරතුරු තාක්ෂණ සාක්ෂරතාව (ICT literacy) ඇති පුරවැසියෙකු බව සනාථ කළ හැකි වීම. (රටක පුරවැසියන්ගේ තොරතුරු තාක්ෂණ සාක්ෂරතාව රටේ සංවර්ධනය මනින නූතන මිණුම් දණ්ඩකි.)
• පුද්ගලික හා රාජ්‍ය අංශයේ  රැකියා තරඟයේදී ඔබේ තොරතුරු තාක්ෂණ කුසලතාව පෙන්වීමට පිළිගත් සහතිකයක් ලෙස ඉදිරිපත් කළ හැකි වීම.
• රාජ්‍ය සේවයේ දී තනතුරු උසස්වීම් සඳහා පවත්වන කඩ ඉම් විභාග වලදී තොරතුරු හා සන්නිවේදන තාක්ෂණයට අදාළ විභාගයෙන් නිදහස්වීමට GIT සහතිකය ඉදිරිපත් කළ හැකි වීම.

 ඔබට අවශ්‍ය සම්පත් ලබා ගැනීම සඳහා dcmcacademy.blogspot.com වෙත පිවිසෙන්න.

 කිත්සිරි අබේසිංහ

(B.Sc., MCP,) ISA(ICT)

071 710 64 68

WhatsApp සමූයට එක්වීමට පහත සන්ධානය භාවිත කරන්න.

 https://chat.whatsapp.com/L1lQf557uRJAIPSJYUKXJb

Read More

2023 A/L කඩිනම් පාඨමාලාව

 

Read More

 ලඟදී ඇරඹෙන විශ්ව විද්‍යාල පාඨමාලා

ශ්‍රී ලංකා විවෘත විශ්වවිද්‍යාලයේ ළඟ දී ඇරඹෙන පාඨමාලා සඳහා දැන් අයදුම් කළ හැක.

• Short Course in Qualitative Data Analysis

• Short Course in Digital Marketing (On-Site)

• Master of Science in Industrial Engineering

• M.Ed.

• Short course in Professional web development using Joomla and WordPress (Online)

• Certificate of Completion in Computer Literacy

• Short course in Listening & Speech (Online)

• Short Course in Korean Language

• Short course in Tourism and Hotel Operation

• Short Course in Human Resource Management (online)

• Master of Energy Management (MEM)

• Bachelor of Industrial Studies Honours – Textile Manufacture Specialization

• Bachelor of Industrial Studies Honours – Fashion Design and Product Development

• Bachelor of Industrial Studies Honours – Apparel Production and Management

• Plant Breeding Techniques (Short Course)

• Bachelor of Technology Honours in Engineering

• Bachelor of Science

• Bachelor of Industrial Studies Honours

• The Bachelor of Education Honours in Natural Sciences Degree Programme

• Bachelor of Arts Honors in Library and Information Studies

• Advanced Certificate in Science

 

කොළඹ විශ්වවිදයාලයේ පහත පාඨමාලා සඳහා ද අයදුම් කළ හැක.

• පුස්තකාලයාධිපතිත්​ව උසස් සහතිකපත්‍ර පාඨමාලා​ව (2023)(සිංහල / දෙමල මාධ්‍ය)
• පාසල් පුස්තකාලයාධිපතිත්වය පිළිබඳ ඩිප්ලෝමා​ව 
• පුස්තකාල හා තොරතුරු කළමනාකරණය පිළිබඳ ඩිප්ලෝමාව
• පුස්තකාල හා තොරතුරු කළමනාකරණය පිළිබඳ උසස් ඩිප්ලෝමා​ව 1 සහ 2

ස්වාමි විපුලානන්ද ආයතනය

• Information Technology (IT)
• Bharathanatya
• Nattuvangam
• Dance Makeup
• Folk Dance
• Pannisai
• Carnatic Music (Vocal)
• Veena
• Violin
• Classical Keyboard
• Theatre Workshop
• Art and Craft
• English for Creative Communication
• Basic Sinhala
• Understanding Basic Grammars and Compositions of Traditional Poem

Read More

NSBM University New Intake

 

Read More

 

Read More

රට යන්න IT කිරීම

රට යන්න IT කිරීම

මේක ලියන්නම හිතුනේ පහුගිය මාස කීපයේම මට ලංකාවේ විවිධාකාර ප්‍රදේශ ආපු දුරකථන ඇමතුම් රැසක් නිසා. මේවා විශේෂ වන්නේ ඒ කතා කරපු බහුතරයක් ඇහුවේ එක වරම තමන්ගේ ක්ෂේත්‍රයෙන් IT වලට මාරු වීමට මොකක්ද කරන්න ඕනි කියලයි. එසේ මාරු වීමට හේතුවත් විදේශ රටක රැකියාවක් සොයා ගැනීමට IT field එකට ඉල්ලුම ඇති බව කවුරුන් හෝ පවසා සිටීම. ඒ සැම දෙනෙක්ම වගේ කොහෙත්ම IT වලට සම්බන්ධ නැති HR, Marketing, Civil, Mechanical, Electrical, QS, Banking යන පැතිවල හොඳටම පළපුරුද්ද ඇති අවුරුදු 25-40 වයස් පරාසයේ සිටින අය. මේ තත්වය ගැන පුදුම වීමට හෝ රටේ අනාගතය ගැන තවත් කතා කිරීමට දෙයක් නැති බව ඔබ හැමෝම දන්නා නිසා මෙය කියවන ඔබේ කාලය ඒකට වැය නොකර එහෙම දෙයක් සාර්ථක කර ගන්නේ කෙසේද යන්න ගැන මෙයින් පොඩි උපදෙසක් දෙන්නයි මෙය ලිවීමට සිතුවේ. තව පිරිසක් ගැන විශේෂයෙන් සඳහන් කරන්න ඕනි. ඒ තමා දැනටමත් Software, Networking, Cyber Security, Telecommunication field එකේ අවුරුදු 5,10 එකම තැනකට කොටු වී එහි විශේෂ පළපුරුද්දක් තිබුනාට ලෝකයේ තියෙන Vacancies වලට apply කිරීමට යාමේදී ඒ අහන දේවල් සමඟ තමන් සුළු එකම වැඩ කීපයක් සමඟ මෙපමණ කල් මොකද්ද මේ කරලා තියෙන්නේ කියා තමන්ටම වැටහෙන පිරිස. සමාවෙන්න එහෙම කීවට. ලෝකයේ ඉදිරියට යන තාක්ෂණයත් එක්ක මෙහෙ අවුරුදු 10,15 experience තිබුනාට තමන් මෙච්චර කල් මෙහෙ කරලා තියෙන්නේ මොනවාද යන්න සමහර රැකියාවල් වල තිබෙන ප්‍රශ්ණයක්. එය තමන්ම තේරුම් අරගෙන මට කතා කරපු ළමයි පවා සිටියා. එසේ තේරුම් ගැනීමත් හොද තත්වයක්.

මුලින්ම ලෝකයේ තත්වය ගැන පොඩ්ඩක් කතා කරලා ඉන්නම්. 2023 ආරම්භයේදීම Google සමාගම වැඩ ඇරඹුවේ තමන්ගේ අවුරුදු 10,20 පළපුරුද්ද ඇති අය පවා සිටින 12000ක සේවකයන් පිරිසක් ඉවත් කිරීමෙන්.මේ ගැන මම වීඩියෝ එකකින් ළඟදීම කතා කරනවා. ඒ වගේම Amazon විසින් 18000ක්, Microsoft සමාගම විසින් 10000ක්, Meta විසින් 13000 ක් ලෙස සේවකයින් ඉවත් කරනු ලැබුවා. මෙහි වැඩිපුර බලපෑමට ලක් වී තිබුනේ ඇමරිකාව. යුරෝපා රටවලද මේ තත්වය එසේම පැන නැගී ඇත්තේ ලෝකයේම යම් ආර්ථික අර්බුදයක පෙරනිමිති පහල වී ඇති නිසාවෙනි. එහෙම තත්වයකදී යන රට ගැනද, රැකියාව කිරීමට යන සමාගම ගැනද research එකක් කිරීම වැදගත් වේවි.තමන් ගැන තමන්ටම විශ්වාසය, දැනුම, පළපුරුද්ද ඇති අය කොහේ ගියත් අදාල ඉලක්ක සපුරා ගන්නා බවත් එම අයට කොහෙන් හෝ රැකියාවක් ලැබෙන බවත් දන්නා නිසා ඒ අයට ප්‍රශ්නයක් නැති මුත් පළපුරුද්ද, දැනුම අඩු අය ඒ ගැන තේරුම් අරගෙන වැඩ කිරීම වැදගත් වේවි.

බොහෝ රටවල IT/Networking Jobs සඳහා apply කරන විදිහ, Interviews කරන විදිහ ගැන මේ group එකේම ඉන්න මගේ students එක්ක මම ඕනෑ තරම් කතා බහ කරලා තියෙනවා. ඒ හැමෝම කියන්නේ බොහෝ විට ඔබේ සහතික දිහාවත් නොබලා පැය ගණනාවක් ඔබෙන් ප්‍රශ්න කරනුයේ ඔබේ පළපුරුද්ද සහ දැනුම පරීක්ෂා කිරීම බවයි. Degree/Exam Certificates වගේ දේවල් වැදගත් වෙන්නේ ඔබේ CV එක Interview shortlist වීමට පමණක් නිසාවෙන් එම CV එක සකස් කිරීමේදී හැකි පමණින් එයට key words ඇතුලත් කිරීම වැදගත් වෙයි. Job එකට select වීමට වැදගත් වෙන්නේ ඔබේ දැනුම එතැන table එකේ දිග අරින විදිහ සහ ඔබ එතැන කියන මුල මැද අග ගලපපු කතන්දරේ මතයි. අන්න එතැනදී IT field experience නැති අයට තම වයසත් සමඟ කියා ගැනීමට දෙයක් නැති වීම මතු වෙන ප්‍රධානම ගැටළුවයි.

එම නිසා හොඳම දේ දැනටමත් ඔබට එම IT/Networking field එකේ experience නැතිනම් දැනට තමන් රැකියාව කරන ස්ථානයේම එම department එක සඳහා මාරුවක් ඉල්ලා ගැනීමයි. එහිදී වැටුප, සමාජ තත්වය, කලින් කරපු රැකියාව ගැන උදම් වී මේ දේවල් කිරීමට කොහෙත්ම නොහැකි අතර කොහොමත් ඔබට විදේශ රටකට ගිය විට ඒ උදම් වීම්, ඒ තත්වයන් නඩත්තු කිරීමක් ඒවායේ වෙන්නේ නැති බව ඔබේ විදේශ මිතුරන් මගින් දැනගෙන ඇතැයි සිතෙන නිසා එය ලොකු දෙයක් නොවේවි. දැනටමත් එසේ තම සාමාන්‍ය රැකියාව කර හවස 5න් පසුව එම IT section එකට ගොස් එහි මිතුරන් හා වැඩ කර එම දේවල් ගැන මහා රෑ වෙනකල් ඉගෙන ගන්න, කැප වුන සහ සාර්ථක උන ළමයි පවා මම දනිමි. සමහර විට ඔබට ඒ දේවල් වලට ගෙවීමක් එපා ලෙස කියන්නට සිදු වේවි. බොහෝ සමාගම් වල කළමනාකාරිත්වය රටේ තත්වය ගැන දැනුවත් නිසා නොසිතු ලෙස එහෙම අහපු අයට ඒවායේ අත්දැකීම් ගන්න ලබා දුන් අවස්ථාද ඕනෑ තරම් අසා තිබේ. එම නිසා ඔබ මෙපමණ කල් සාදාගෙන ඇති network බොහෝ වැදගත් අතර හැමෝම සමඟ සුහදව වැඩ කරන, ඇති තරම් යාලුවෝ හදා ගන්න හැකියාව ඇති අයට මෙය පහසු දෙයකි.

එහෙම පළපුරුද්දක් නොලබා IT jobs වලට හොඳ ඉල්ලුමක් ඇතැයි කියා මොනවා හෝ Certification එකක් කට පාඩම් කර කර සමත් වීමෙන් ඒ රටවල්වලට ගොස් අමාරුවේ වැටීමට හොඳටම අවස්තාව තිබේ. බොහෝ දෙනා Dubai පවා යන්නේ එහෙම අවස්ථාවන් ඇතැයි කියා මුත් ඔබට job seeker කෙනෙක් විදිහට තරඟයක් දීමට සිදු වන්නේ IT/Networking degree ඇති ඉන්දියන්, පකිස්ථාන්, පිලිපීන් වැනි රටවල තරුණ පුද්ගලයින් සමඟය.ඔවුන්ට භාෂාවේ වාසිය, රටේ වාසිය ලැබෙන නිසා Dirham 3000-5000 ක රැකියාවක් ලබා ගැනීමටත් සෑහෙන මහන්සියක් වීමට සිදු වේවි. එම රටවල් වල Networking field එකෙන් රැකියාවකට යන්නේනම් අඩු තරමේ Active Directory,Office 365,WiFi,Firewall, Load Balancer,Routers,Switches වගේ දේවල් config කර අත්දැකීම් ඇති අයගෙන් ඉගෙන ගන්න. තාමත් අඩු වයසකනම් ඉන්නේ අඩුම තරමේ 4 years IT degree එකක් කර ගැනීමට බලන්න. එවිට Master එකක් සඳහා හෝ හොඳ රටකට යාමට අවස්තාවක් ලැබේවි.

වයස 30ට වඩා වැඩිනම් IT field එකට දැන් ඒමට බලාපොරොත්තු වේනම් කරන දෙයක් ඉක්මනින්ම කල යුතු නිසා දිවා රෑ නොබලා පළපුරුද්ද ලබා ගැනීමට සිදු වේවි. තමන් රැකියාව කරන තැන එහෙම අවස්තාවක් නැතිනම් මොනවා හෝ හැඳුනුම්කමක් මත වෙන ආයතනයක සති අන්තයේ හෝ ඉගෙන ගන්නට අවස්ථාවක් ලබා ගැනීමට බලන්න. එහෙම අත්දැකීම ලැබෙන විට මොකද්ද තමන් කරන්න ඕනි Exams කියා ඔබට වැටහේවි.අසන්නට ලැබේවි.එතකොට ඒවා මහන්සියෙන් කර ගන්න. එහෙම නොමැතිව බොහෝ දෙනා අහන්නේ මොකද්ද මම කරන්න ඕනි Exam එක කියාය. අඩුම තරමේ Software හෝ Networking යන පැතිවලින් මොකක්ද කළ යුත්තේ යන්න ගැනවත් බොහෝ දෙනාට අවබෝධයක් නොමැත.

සුදුසුම දේ තව කාලය ටිකක් අරගෙන සුදානම් වීමය.එය අවුරුද්දක් වුවත් විය හැකිය.ඒ සුදානම ඕනෑම රටකට වැදගත් වේවි.

එසේ නැතුව වාසනාව වැඩ කරන අවස්ථාද නැත්තේම නැත.එහෙම සමහර පුද්ගල හැඳුනුම්කම් මතින් රටවල්වලට ගොස් කෙසේ හෝ රැකියාවේම ඉගෙන ගෙන ටික කලකින් හොඳ පළපුරුද්දක් අරන් දැනට හොඳ සමාගම් වල IT jobs කරන අයද සිටී.වැදගත් වන්නේ ඔබේ connections වන අතර ඕනෑම දෙයක් කටින් හරි ගේම ගහන හොඳට ඉංග්‍රීසි භාෂාව හැසිරිවිය හැකි පුද්ගලයන්ට එය පහසු වේවි.

දැනට ලෝකයේ බොහෝ රටවල IT/Networking Jobs ඉල්ලුමක් නිර්මාණය වී ඇත්තේ පහත දෑ වලටය.

• DevOps
• Cyber Security
• Cloud Networking/Security
• AI/IoT

1.DevOps

මේ සම්බන්ධයෙන් මුල සිට සරලව ඉගෙන ගැනීමක් කරන්නේනම් මම දැකපු හොඳම learning platform එකක් වනුයේ kodekloud එකයි. Mumshad Mannambeth එහි ඉන්න හොඳ famous trainer කෙනෙක් වන අතර එහි register වීමෙන් (USD 11.40/Month) මුල සිට ඉගෙන ගැනීමට අවස්ථාවක් ඇත. කෙසේ හෝ රැකියාවේ පළපුරුද්දක් ලබා ගැනීම ඉතාමත් වැදගත් වේවි. Certificate level එකෙන් ඔබට යම් වාසියක් ලබා ගැනීමට CKA(Certified Kubernetes Administrator) වගේ exam එකක් කර ගැනීම වැදගත් වේවි.Youtube එකෙහිද ඕනෑ තරම් ඉගෙන ගැනීමට දේවල් ඇත - Edureka, Freecodecamp

2. Cyber Security

මෙහිදීනම් බොහෝ විට වැදගත් වන්නේ පළපුරුද්දයි.ඕනෑම සමාගමක් Cyber Security Engineer/Expert කෙනෙක් ලෙස බඳවා ගන්නේ ඒ ගැන හොඳ දැනුමක් ඇති පළපුරුද්දක් ඇති කෙනෙක්වයි. මොකද ඔහු තම network එක ගැන සම්පුර්ණයෙන් වග කිව යුතු නිසා ඔබේ සුළු අත් වැරද්දක් නිසා තම රැකියාව පවා අහිමි වීමට ලක් විය හැකිය.ඉගෙන ගැනීමට TryHackMe, Hackthebox වගේ වෙබ් අඩවි ඇති අතර Cyber Security වලින් degree එකක් හෝ master එකක් තිබේනම් ලොකු වාසියකි.Exams ගැන හිතනවානම් CISSP, eLearnSecurity Junior Penetration Tester වගේ exam එකක් කිරීම ලොකු වාසියක් වෙයි. මම මෙහිදී CEH exam එක ගැන කතා නොකරමි. වැය කරන මුදලත් සමඟ මේ වනකොට එයට ඇති පිළිගැනීම සෑහීමකට පත් විය හැකිද යන්න ඔබට Job vacancies search කිරීමෙන් අදහසක් ලබා ගත හැකිය. CISSP recommend කරන්නේ ඔබට එමගින් ලැබෙන දැනුම ඉතාමත් වටිනා බව දන්නා නිසාය. Cyber Security basics ඉගෙන ගැනීමට

https://youtu.be/Cf152evvw0s

3. Cloud Networking/Security

Cloud ගැන ඉගෙන ගන්න කෙනෙක්ට Azure හෝ AWS තෝරා ගත හැකිය. Udemy එකෙහි ඕනෑ තරම් courses ඇති අතර Azure Fundamentals AZ900 exam එක නොමිලේම ලබා ගැනීමට අවශ්‍යනම් පහත link එකෙන් වී register ඔවුන්ගේ Virtual Training Days - Fundamental event එකට දවස් දෙකම log වුවහොත් AZ900 Free exam voucher එකක් ලබා ගත හැකිය.

https://info.microsoft.com/AP-HCS-CATALOG-FY23-07Jul-13...

මතක ඇතුව Microsoft Azure Virtual Training Day: Fundamentals select කර booking එකක් දා ගත් පසුව International time standards ගැන දැනුවත් වී ඉන්න. නැතිනම් ඔබට event එක miss වේවි.

4. AI/IoT/Data Science

මෙයනම් මම recommend කරන්නේ වයස අඩු, අලුතින්ම field එකට එන අයටයි.මොකද මේක ලංකාවට පවා අලුත් තවමත් ඉගෙන ගැනීමට resources මෙරට සොයා ගැනීමට ටිකක් අපහසු නිසාවෙනි. ඉගෙන ගැනීමට තැන්, උගන්වන පුද්ගලයින් සිටින අතර එම හරි දැනුමක් ලබා ගන්න.අනාගතයේ ලොකු ඉල්ලුමක් පවතින, job security එක අතින් ඉහල තැනක මෙය ඇති බව කිව යුතුමය.ඔබ AI based ChatGPT ගැන දැනටමත් අවබෝධයක් ඇතිනම් ඒ ගැන වැටහේවි. ඒ ගැන මම කරපු වීඩියෝව සහ අනාගතයේ මෙන්ම මේ කාලයේ ඉල්ලුමක් හැදෙන Network Automation/Network Developer job ගැන කරපු වීඩියෝ එකත් බලා දැනුවත් වෙන්න. IoT/Data Science ගැන ඉගෙන ගැනීම කවදාවත් අපතේ නොයන, රැකියාවන් ඔබව සොයා එන field එකක් බවට පත් වේවි.

ChatGPT - https://youtu.be/xk_N7wg1fjo

Network Developer - https://youtu.be/JNjVC0RLsXk

තව කතා කිරීමට දහසක් දේවල් ඇති මුත් මෙතනින් නවතන්නේ මේ field එකට එන්න ඉන්න අයට මුකුත්ම නොදැන එනවාට වැඩ යම් අදහසක් ගැනීමේ අරමුණින් පමණක් මම මෙය ලිවීමේ බලාපොරොත්තුව උන නිසාවෙනි. මෙහි ඇති මගේ Youtube link එකකින් පවා මම බලාපොරොත්තු වන්නේ ලංකාවේ යම් දරුවෙක් යම් අලුත් වැඩදායි දෙයක් ඉගෙන ගෙන තම ඉලක්ක සපුරා ගනීවි යන්නයි.

ඔබේ සිහින වලට යාමට සුබ පතමි.

~වෙනුර මෙන්ඩිස්~

- උපුටා ගැනීමකි

Read More